SUNQUYUQ RUNAKUNAM KANCHIK
Sunquqa ñuqayku kaqpiqa, musiakuspa sunquchakuqmi kachkan; yuyaykunapaq tantiaykunapaq ñutqu kasqan hina. Chayraykum sapa kaq, kuyaykuymanta, kusikuymanta, llakikuymanta, aynikuymanta, wayllukuymanta, rimaptinchik, sunqupa sutinwan qayanchik. kaypim tumpata tupanchik qutu wiraquchapa puitakunawan; hinaspapas wayrawan rimay, mayukunawan, urqukunawan, kunturkunawan, pumakunawan, amarukunawan, llapan pachamamapi kawsaqkunawan rimayta; ñawpallaqatarunakunam atinku. Civilizacion sutiyuq llaqtakunaqa qipapi tiyaq, ayachakuq nispa, michakuwanku, rakiwachkanku.
Sunquyuq kaspam, sunquchakunchik. Manan uku ukupi musiata yachaspallachu, sapapunchaw kawsasqanchikpi rikuyta, uyariyta, muskiyta, miskipakuyta, musiakuyta ruakunchik. Hinallamiki ñuqayku ayanchikpi kawsanchik, qipa qamuqta musianchik, sunqunchik yuyaynintapas musianchik. “memoria genetica” nispam yachaqkuna sutichinku.
Chayraykum sumaqllapi, allin tupachispa kawsakuyta yachaniku, hinaspanmi amachaykunchik ñawpa llaqtanchik sumaq kawsayta mirachinapaq. Wakinkuna, wañuyllata sipiyllata yachaq runakunam, ñuqaykumanta manchakunku, “inimigo” hina qawawachkanku; pitapas ñuqaykuqa mana chiqniqmi kanchik, hina pim kasqaykupi kawsakuyllatam munaniku.
Sunqunchikqa sumaq ñanman umanchakutam yachan, musiayta yachakuspa, uyariyta yachakuspa, sumaq kawsayman pusawanchik, kusilla wiñanampaq. Chay yachayninchikta qawaspam qutu wiraquchakuna sunquta llutan kullu hinata qawanku. Paykunapa tantiakuynimpi, sunquqa, runapi yawar pusaq “urganu ”, “aparatu” llas.
Pulitikunapas, ticnocratakuna, cintifikuna, sunqun kawsaqata musiaptinqa, manan “bpmba atómica”kanmanchu, runa sipiq balakuna, unquy chaqchaq armakuna, manan kanmanchu. Llapan llutan inventukuna, kawsayta, pachamamata sipiqkuna, manam imapaqpas kanmanchu.
Kunan punchaw, qatun wayku llapan ñawpallaqta yuyayninchikta pampayta munachkaptin; kunan pacham sunqunchikta uyariykuspa yachayninwan tupachwan, chaynam tukuy yachayninchik yuyayninchik, kutinqa.
SOMOS PERSONAS CON CORAZON
El corazón es para nosotros un órgano de los sentimientos, así como el cerebro el de los pensamientos. Por eso, siempre que hablamos de cariño, amor, añoranza, tristeza, solidaridad, compañerismo, nos referimos al corazón. En esto hay mucha similitud con valores humanos que tratan de conservar algunos poetas de occidente, pero hablar con el viento, los ríos, las montañas, los cóndores, pumas y serpientes y todos los seres de la pachamama, eso solo lo hacen las culturas ancestrales. La civilización nos considera atrasados y animistas y así nos descalifican.
Por tener corazón, tenemos sentimientos. No solo se trata de que podemos sentir profunda e intensamente, sino que ejercitamos cada día el uso de nuestras capacidades sensoriales: Ver, Oír, Oler, Saborear, sentir tactilmente. También tenemos una profunda vida espiritual, además presentimientos y otros sentidos que nos permiten recuperar la memoria ancestral. Memoria genética le llaman los científicos.
Por eso, somos gente que sabe vivir en paz, equilibrio y armonía, y seguimos luchando para recuperar esta nuestra forma de vida ancestral. Quienes viven rindiendo culto a la violencia y la muerte, nos temen y nos tienen como enemigos a pesar de que nosotros no queremos hacer daño a nadie, solo por querer ser nosotros mismos y vivir en concordancia.
Nuestro corazón sabe guiarnos si aprendemos a sentirlo, a escucharlo, puede guiarnos por la vida haciéndola mas plena, mas feliz. Desde esta perspectiva las sociedades civilizadas lo consideran un estorbo, para ellos no es mas que un aparato que bombea sangre y la hace circular por nuestro cuerpo.
Si los políticos, tecnócratas y científicos percibiesen vivo su corazón, no existirían la bomba atómica, las balas para matanzas, las armas químicas, bacteriológicas y virales. Todos los inventos que sirven para destruir la vida y la naturaleza, no tendrían sentido.
Hoy, que la mayor amenaza de destrucción de nuestra cultura ancestral se avalancha sobre todos los pueblos, es momento de escuchar a nuestro corazón, confiar en la sabiduría de nuestros sentidos y recuperar nuestra memoria ancestral.
Musicos: Los Cariñosos de Chaquipampa, Lucanas, Ayacucho, Perú.
No hay comentarios:
Publicar un comentario