AMA PIÑAKUSPALLA
Yuyarichkanim mamay Panchita, Yuyarichkanim tayta huamani Qaqru Yaya, dun Pidru Urqu, yuyarichkanimiki tayta aukikuna, Pukiu ayllukunamanta tayta aukikuna. Ayllunchikunapi suti sumaq kawsakuymi karqa, ama piñakuspalla.
Ama piñakuspallam asuykamuniku Huamaninchikta, takichakuspa chay sumay jaylli takichakunata. Imaraykutaq , qaykaraykugtaq piñayllaña kawsachwan. Anyanakuspa, chiqninakuspa manataq allintachu qispiruchwan.
Asuanmi, ñuqanchik kuyanakuyllapi, huayllunakuyllapi kawsakuq karanchiq, kuska tiakuranchik ayllunchikunapi; uywachakunawan, sara,papa,uqa, sacha kawsaychakunawan; allquchakunawan, uyjachakunawan, wakachakunawan, quychakunawan, paquchakunawan, wikuñachakunawan. Wayrakunawan, parakunawan, uruchakunawampas. Llapallanchik, kay pachapi kuska kawsakuqwanmi sumaqchapi tiakunchik.
Sunquykupiqa manamiki piñakuy takianmanchu, unquy hinam ayllunchiktapas wañurachinman. Chaymi yachaq qampiq runawan qampikunchik, hina kusiychallapi kuska tiananchikpaq, llamkay imakunapipas yanapakuspa, aynipakuspa, minkanakuspa.
Chaymi llakiypas wiñamun wakin maqtakuna pasñakuna, piñakuypi chiqninakuypi kawsayta yacharamusqaku, runapa llaqtampi sunqunta tikraramusqaku.
Wiñaypi kawsananchikta munaspaqa, piñakuytaqa tantiakuspam sunqunchikmanta lluqsichinam kachkan, wasinchikmanta, ayllunchikmanta, pichanawan; pukiu yakuchawan, sumaqata mayllakuna kachkan.
Yuyarichkanchikmiki llapa manchaypaq runa nakaqkuna ayllunchikkunaman yaykurusqanta. chiririnka hina wañuyllata aparamuspa. Qatun llakim kachkan, mayukunapi wiqinchik lluqllahina wiñarachimusqanmanta.
Ñawpa tayta mamanchik kawsakusqanta yurarispam, ayllunchikkunata kawsarachisun yapamanta. Chayllam allimpaq yachachiwasun imaynam sumaq kawsayman kutikunachikpaq, qipa qamuq wawanchikkuna, kusiypi mirakunampaq.
SIN RABIAR NOMAS PUES..
Me estoy recordando, mamita Panchita; me estoy recordando, espíritu sagrado de la comunidad, Cerro don Pedro; Me estoy acordando pues, respetados aukis de las comunidades ancestrales de Puquio: Puedo ver cómo era, en nuestra comunidad el vivir bonito, en armonía y alegria, sin amarguras, sin odios.
Sin amarguras nos acercamos a nuestras montañas sagradas, entonando esos hermosos versos del canto sagrado. Por qué pues, para qué pues tendriamos que vivir amargos y molestos?, Insultándonos u odiándonos unos a otros no creo que vayamos a transcurrir nuestra vida de buena manera.
Por el contrario nosotros viviamos en alegría, encariñándonos conviviamos juntos en nuestra comunidad: con nuestros, animalitos; con el maíz, la papa, la oca y toda planta silvestre; con nuestros perritos, nuestras ovejitas, nuestras vaquitas,nuestros cuysitos, nuestras alpaquitas, nuestras vicuñitas; con los vientos, con las lluvias; con los gusanitos tambien. Todos los que estamos en esta vida, convivimos bonito.
En nuestro corazón no cabe la amargura, como una enfermedad puede matar incluso a nuestras comunidades. Por eso es que incluso recurrimos a nuestros sabios curadores, para curarnos; para seguir viviendo asi nomas juntos en alegría, ayudándonos unos a otros en cualquier labor, brindándonos solidaridad y reciprocidad con el ayni y la minka.
Por eso es que me crece la tristeza cuando veo algunos de nuestros jovenes y jovencitas que han aprendido a vivir con amarguras y odios, ver como les habían cambiado el corazón en las grandes ciudades.
Si queremos vivir un futuro digno, hemos de erradicar la amargura y el odio de nuestro corazon, de nuestra familia, de nuestra comunidad. Como quien limpia la casa con ramas que nos brinda la tierra, como quien se baña bonito con aguas de manantial.
No he olvidado la incursion en nuestras comunidades por parte de gente asesina, como mosca azul que ve y anuncia la muerte, trayéndonos solo la muerte. Nuestro sufrimiento fue tan grande que hasta hicimos aumentar el caudal de los rios con nuestras lagrimas.
Recordando a nuestros padres y madres ancestrales, podremos hacer revivir a nuestras comunidades de nuevo. Entonces nos enseñaran la mas adecuada forma de volver a convivir en armonía y equilibrio, de modo que nuestros hijos y nietos puedan fructificarse en esta vida con alegria.
Juan Francisco Tincopa calle
No hay comentarios:
Publicar un comentario